كيرلس بهجت

التجربة الفكرية لروح أمه

المدخل لفهم سيكولوجية الإنسان المهزأ

له الكثيرُ من المسميات؛ فقد أسماه "كولن ولسن" "اللا منتمي"، "ألبير كامو" بـ "المتمرد"، "كارل يونج" بـ "الانطوائي"، حتى في الأدب "دوستويفسكي" أطلق عليه "الإنسان الصرصار".. والكثير من الفلاسفة والمفكرين حاولوا أن يطلقوا عليه اسمًا مميزًا ليُعرَف به.. ولكنهم لم يستطيعوا حصرَ ذلك الكائن تحت مجرد اسم، وها أنا أدعوه بـ"اللا مكترث".. فالقضية في نظري قضية "اكتراث" بالأساس.. ففور اتخاذ هذا الإنسان المختلف قراره بعدم الالتفات للحماقات المادية، أو الاهتمام بالرواسيب الحياتية، يتحول معها لمتمرد على الواقع السطحي أو لا منتمي لهذا العالم البالي.. فجميعهم مهتمون بفلان، حاضرون في مناسبة فلان، شغوفون بمعرفة أخبار فلان! جميعهم منخرطون في أدق التفاصيل التافهة وأعمق الزوايا غير المثمرة، وكل ذلك بسبب افتقادهم لحياة خاصة تستحق الاحترام والعناية.. فباتوا يعوثون في حيوات الآخرين تصيُّدًا وتجسُّسًا حتى أصبحوا فاقدي الجوهر والصميم؛ فجميعهم نُسَخٌ مكررة منزوعة الكيان..! على عكس هذا اللا مكترث، له اهتماماته الأكثر نُضجًا والأرقى مردودًا، له ذاته المختلفة وحُلمه المستقل.. فبموت حب التطفل والفضول الصبياني في قلبه يولد بداخله الإنسان الجديد بصفاته المتطورة.. تنقشع غيوم المادة من سماء روحه ليتحرر من خوف الجسد وغربة النفس.. فيصبح "اللا مكترث" ثم بعدها أي شيء آخر.. وهذا الكتاب محاولة بسيطة لاقتحام هذا العالم الجديد.. عالم اللا مكترث..

اللا مكترث

التجربة المحظورة لروح امُه

"فالثوراتُ التي هزَّت التاريخَ في مختلفِ العصورِ جرت كلها على هذا المنوال. فالناسُ لا يثورون من جرَّاء ظلمٍ واقعٍ عليهم، إنَّما يثورون من جرَّاء شعورهم بالظلم. فالشعورُ بالظلم هو أعظم أثرًا في الناسِ من الظلم ذاته!.... إن الناس لم يثوروا على الطغاةِ الذين سفكوا دماءهم وجوَّعوهم وسلَّطوا الجلاوزة عليهم يضربون ظهورهم بالسياط. ذلك لأنَّ الناس قد اعتادوا على ذلك منذ زمنٍ مضى وألفوه جيلًا بعد جيلٍ. فهم يحسبونه أمرًا طبيعيًّا لا فائدة من الاعتراض عليه. لكنَّهم يثورون ثورةً عارمةً عندما تنتشرُ بينهم مبادئ اجتماعية جديدة فتبعثُ فيهم الحماسَ وتمنحهم ذلاقة البيان وقوَّة النقد" — عليّ الوردي (مهزلة العقل البشري) * الجلاوزة: الشرطة الفاسدة أو البلطجية (في ثقافة أخرى : المواطنون الشرفاء)

بيضة مان

سنة 1964؛ الجيران شافوا واحدة اسمها Kitty Genovese، خارجة بتصرخ من بيتها وفي مجرم بيجري وراها عاوز يقتلها، المهم القاتل مسكها وقتلها وهرب وكل البشر واقفين ولا حد منهم حتى رفع شماعة عشان يدافع عن الغلبانة! القصة ديه كانت مشهورة أوي ساعتها وكانت محط اهتمام كبير أوي لدكاترة الطب النفسي وعلماء النفس، إن إزاي محدش فكر يساعد الست، أو حتى اللي فكر يتصل بـ911 اتصل متأخر!! ومن هنا ظهر مصطلح.. (Bystander Effect). وده ببساطة ظاهرة نفسية اجتماعية بتشرح ليه لما مجموعة كبيرة من البشر يشوفوا مشكلة أو مصيبة مش بيتحركوا عشان ياخدوا موقف؟! في مصر مثلا؟! واحدة متحرش بيضايقها؟؟ الشارع كله شايف وعارف، بس كله عامل من بنها! شوية عيال صايعين ملمومين على راجل غلبان وبيضربوه، كله عامل أجنبي.. وأمثلة كتير أوي... كلنا عارفينها وبنعيشها.. علماء النفس بيفسروا الموضوع ده؛ إن لما عدد الناس اللي بيكون شايف المشكلة بيكتر، بيحصل حاجتين مهمين اسمهم: pluralistic ignorance (التجاهل الجماعي) وthe diffusion of responsibility (توزيع المسئولية). ببساطه لما العدد بيكبر؛ كل واحد من اللي واقف بيسأل نفسه "هو الباقي متحركش ليه؟!" أو "اشمعنا أنا اللي آخد موقف؟؟" ويحصل زي توزيع للمسئولية على عدد كبير من الأفراد فمحدش يتحرك! ونقطة تانية؛ هي إن الإنسان في فطرته عاوز يريح نفسه، فبيتولد عند الواقفين كلهم إن خلاص الموضوع حيعدي على خير! أو خلاص مش لازم اتدخل!! مع إنه لو فكر ثواني إن هو اللي في موقف؛ حيدرك مليون في الميهة إنه مش حيعدي بالبساطة اللي هو متخيلها!! فرجاء.. لما تكون في موقف زي المواقف ديه، خلّي بالك من الـ(Bystander Effect)، مش بقولك خُش بغشامة أو بصدر مفتوح فتروح عاكك الموضوع أكتر، بس بلاش الصنم اللي بينزل على كل واحد فينا ساعة ما بيكون في مقدورنا إن ننقذ الموقف أو نساعد حد.. فحقيقي الجملة اللي بتقول: "العالم يعاني كثيرًا ليس بسبب ظلم الأشرار، لكن بسبب صمت الأخيار".

كيرلس بهجت

Books

Your next favorite book is out there