Kay Redfield Jamison

ظلمة تتهاوى

Mohamed gamal

الكتاب ده مثير جدا للاهتمام ومحفز جدا على الحديث.
الاكتئاب والامراض النفسية عموما الي هي السبب الأهم والأكبر للأنتحار بلا اي وعي حقيقي في مجتمعنا ومع ذلك هي ترند، وفي كتب كتير جدا مؤخرا بتتكلم عنها لكنها كتب سطحية وساذجة وأحيان كتير بيبقى ضررها أكتر بكتير من نفعها.
ومن هنا تبدأ أهمية الكتاب ده، ده مش كتاب سطحي- خصوصا لغير المتخصصين- ده كتاب جيد جدا ومتعوب فيه متعوب في كتابته ومتعوب في ترجمته وبيعرض معلومات علمية ومعاها قصص حقيقية بشكل سلس وجميل.
شخصيا الكتاب علم معايا وهو أحد الكتب الي بتبقى دايما في الذاكرة وتتقري مرة بعد مرة، كتاب ميتقريش مرة واحدة وواثق ان كل مرة هيظهرلي جوانب مشوفتهاش فيه، يمكن طبعا بحكم دراستي في معلومات كتير كنت عارفها بس الكتاب كان لسه قادر يقدملي جديد ويوريني الموضوع من ناحية المريض مش بس من ناحية الطب الجاف.
انا بتمنى ان ترجمة كتب زي ده تكتر واننا نشوف اهتمام بكتب محترمة ومتعوب فيها زي ده كتير وان مجال الطب النفسي يتحول الاهتمام بيه من ترند واستهلاك على الفاضي لثقاقة حقيقة واتمنى ده كله طبعا يتم بسعر للكتب ارخص من ده شوية 😂
واحد من اهم قراءات السنة الي بصراحة رغم ضغط الكلية فيها قراءات ممتازة

ظلمة تتهاوى

Reviews