Knut Hamsun

الجوع

Sanaa Shaltout

الجوع
الأدب النرويجي
أول مره اقرأ في الأدب النرويجي وأول مره اقرأ لـ كنوت هامسون
وإن شاء الله له قراءات أخرى
حقيقي وأنا بقرأ وقفت الرواية فتره في النص لأني كنت حاسه إني بعيش مع الأدب الروسي بمآسيه وأحزانه
ممكن نقول أنطون تشيخوف كان له قصه قصيرة عن رجل فقد ابنه وحاول يحكي لكل الناس عن إن ابنه مات النهاردة وملقاش حد يسمعه وملقاش غير الحصان بتاعه يحكيله في الآخر
هي مختلفه عنها بس نفس الألم
ممكن نقول الرواية فكرتني بالجريمة والعقاب وإن كان الرائع ديستويسفكي في روايته أطال الشرح ودخل في أعماق النفس البشرية من ناحية علم النفس وما ينتاب المرء من أفكار ومشاعر تجاه الجريمة والحياة والجوع.

بس الرواية دي جعلتني أفكر في اتجاه آخر
اللي هو ماهية الحياة والموت
السؤال اللي بسأله لنفسي دايما إحنا عايشين ليه
ليه ربنا شايفنا بنتعذب وسايبنا
كان فيه فيلم لـ براد بيت
اسمه fury
وكان فيه مشهد بين Bread Pitt و Shia LaBeouf
المشهد كالتالي
- لو أحب الفرد الحياة، فحب الرب ليس بداخله؛ لأن كل ما في الحياة شهوة، شهوة الجسد، وشهوة العيون، وشهوة مجد الحياة....
ليس لحب الرب، بل لحب الدنيا.
+ الدنيا ملذاتها تزول، لكن من يؤدي إرادة الرب سيعيش للأبد.
- للأبد.

المشهد دا قعدت أفكر فيه بعد ما انتهيت من الرواية وربطه بالرواية 
فيه مقوله لسيدنا علي بتقول
"لو كان الفقر رجلًا لقتلته"
لأن الفقر بيؤدي إلى الكفر وإلى أشياء أخرى
هنا الجوع كان مثال لكل ما يدور بداخلنا وإن كان في الصورة البسيطة ممكن يتفهم إن الكاتب بيتكلم عن الجوع بس 
ولو دا المقصود فعًلا فالكاتب كان رائع في توصيل فكرته
وفيه فكره تانيه عن الحياة الإيمان الدنيا الإنسان وما يحدث له من اضطرابات نتيجة اظروف الحياة القاسية
محدش يقدر ينكر إنه أوقات لأتفه الأسباب ممكن يغضب ويقول كلام في ذات الله مينفعش يتقال 
ويرجع يستغفر
وممكن في مواقف تلاقيه حاسس بالرضا
اللخبطة والضياع اللي جوه بطل الرواية وعزة النفس الزيادة دي مأثره عليه وتعباه
بس كلنا عارفين وحاسين اللي هو حاسه 
حاسه إن كنوت ضربني بالقلم وقالي أنتِ أهو :(

بس في الآخر سعيدة بالنهاية 
أتمنى للبطل يلاقي نفسه زي ما ما بتمنى لنفسي بالظبط ^_^
شكرًا كنوت هامسون

Mohamed gamal

240 ورقة من المعاناة النفسية و الجسدية مع هذة الرواية ، الرواية تبدأ من الورقة الاولي ، لتدخل في الموضوع و في الحالة النفسية باسلوب واضح و وصف رائع ، شخصيا لقد صدقت الرواية ،هذة الرواية خالدة و ستظل خالدة طالما استمرت المعاناة الإنسانية