Name: ‏خبز على طاولة الخال ميلاد :‏
ISBN: 9789938740035

‏نعاس، محمد

‏رواية /‏

‏خبز على طاولة الخال ميلاد :‏

Arwa

"فجأة أتمنى أن أفقد حاسة السمع عندما يتناهي إلي صوت عراك، ربما كان شيئا كبرت معه" 

"هل أخبركَ بنقيض الحب؟ نقيض الحبّ ليس الكراهية، نقيض الحب مختلف تماما عن الكراهية، إنه اللامبالاة، التبلد، التباعد رغم العيش في مكان واحد، ألا تبتسم في وجه الآخر بعد أن كانت مجرد رؤيتك إياه تمكنك من الطيران، أن تنطق كلماتك اليومية (صباح الخير)، (نعم الغذاء جاهز)، و(قهوة؟) خالية من الدفء، كأنك تتحدث مع موظف في السجل المدني بالبلدية. يحل البرد على الدار. لن يعود السرير الذي يحملكما مريحًا، أو داعيًا إلى التقارب، تنزوي على حافته كأنك جاهز للقفز من جرف، الكراهية شعور جارف، حارق لكنه يبقى شعورًا، شيئًا يتحرق داخلك، التبلد نقيض ذلك، بركة راكدة من الماء لم ينعم عليها الزمن حتى بحجر يلقيه طفل.

"من العجيب أن الإنسان مهما كبر يظل يتصرف بالطريقة ذاتها." 

رواية خبز على طاولة الخال ميلاد للكاتب محمد النعاس بتحكي عن معايير الرجولة في المجتمعات العربية اللي بتضغط على الراجل عشان يثبت رجولته من خلال شخصية ميلاد البطل اللي من هو طفل وأبوه بيحاول يخليه "يسترجل" وبعدين دخوله الجيش وبعدين جوازه من زينب اللي بيحبها وتتوالى الأحداث في سياق مش شيق خالص. فكرة الرواية بصراحة جديدة وجريئة واتكلمت عن موضوع محدش بيتكلم عنه كتير بس حساها اتنفذت بطريقة وحشة. أسلوب الكاتب ضعيف جدا و مبتدئ ومع احترامي طبعا للكاتب بس حاسة انا نفسي ممكن اكتب احسن من كدا. الشخصيات كمان مكتوبه وحش خاصة الشخصيات النسائية زي شخصية زينب مثلا اللي طول الرواية مش مفهومة وشخصية مدام مريم اللي كل شخصيتها في الرواية انها ست حلوة بتغري ميلاد؟! كمان شخصية ميلاد نفسه ضعيفة وكأن الأحداث بتحصل حواليه من غير ما ياخد أي رد فعل. وأهم حاجة معجبتنيش ان القصة كلها حساها بلا هدف ومستفدتش منها بربع جنيه يعني مفيش اي كاركتر ديفلوبمنت حصل لميلاد غير النهاية اللي مش منطقية خالص انه يقتل مراته عشان بتخونه مع انه يعتبر خانها برضو؟! حسيته فيلم عربي اوي يعني. 

كل اللي مجنني هو ايه الهدف من القصة بجد يعني الكاتب كان عايز يقول ايه خلصت الرواية ومعرفتش برضو. كمان الرواية مملة بشكل لا يطاق؛ يعني كل فصل يحكي عن بيعمل العيش ازاي بأنواعه كلها يعني فهمت والله ان ميلاد بيحب العيش بس مش للدرجادي. بصراحة رواية متستهلش الضجة اللي عليها وتخليك تشك في المعايير اللي بيختاروا بيها جايزة البوكر، ويارب الكاتب ميشوفش الريفيو دا. 

رواية خبز على طاولة الخال ميلاد للكاتب محمد النعاس بتحكي عن معايير الرجولة في المجتمعات العربية اللي بتضغط على الراجل عشان يثبت رجولته من خلال شخصية ميلاد البطل اللي من هو طفل وأبوه بيحاول يخليه "يسترجل" وبعدين دخوله الجيش وبعدين جوازه من زينب اللي بيحبها وتتوالى الأحداث في سياق مش شيق خالص. فكرة الرواية بصراحة جديدة وجريئة واتكلمت عن موضوع محدش بيتكلم عنه كتير بس حساها اتنفذت بطريقة وحشة. أسلوب الكاتب ضعيف جدا و مبتدئ ومع احترامي طبعا للكاتب بس حاسة انا نفسي ممكن اكتب احسن من كدا. الشخصيات كمان مكتوبه وحش خاصة الشخصيات النسائية زي شخصية زينب مثلا اللي طول الرواية مش مفهومة وشخصية مدام مريم اللي كل شخصيتها في الرواية انها ست حلوة بتغري ميلاد؟! كمان شخصية ميلاد نفسه ضعيفة وكأن الأحداث بتحصل حواليه من غير ما ياخد أي رد فعل. وأهم حاجة معجبتنيش ان القصة كلها حساها بلا هدف ومستفدتش منها بربع جنيه يعني مفيش اي كاركتر ديفلوبمنت حصل لميلاد غير النهاية اللي مش منطقية خالص انه يقتل مراته عشان بتخونه مع انه يعتبر خانها برضو؟! حسيته فيلم عربي اوي يعني. 

كل اللي مجنني هو ايه الهدف من القصة بجد يعني الكاتب كان عايز يقول ايه خلصت الرواية ومعرفتش برضو. كمان الرواية مملة بشكل لا يطاق؛ يعني كل فصل يحكي عن بيعمل العيش ازاي بأنواعه كلها يعني فهمت والله ان ميلاد بيحب العيش بس مش للدرجادي. بصراحة رواية متستهلش الضجة اللي عليها وتخليك تشك في المعايير اللي بيختاروا بيها جايزة البوكر، ويارب الكاتب ميشوفش الريفيو دا. 

Roaa Moustafa 

ميلاد،الرجل المضطرب بين مفاهيم "الرجولة" الشرقية وأن يكون كما هو، يظهر اضطرابه وتساؤلاته العديدة لنفسه وتضادها الذي يظهره " عبسي "وتربيته أن الرجل لا يبكي وأن النساء مثل السيارات ..والكثير.
أحببت أن ميلاد هو الراوي بعينه،ربما ساعد ذلك علي فهم ما يمر به وتكوينه واعطاءه حقه، علاقته مع زوجته زينب " المتفتحة" بلغة الشرق جزء مهم في حياته أعني أنه زاد من شدة حيرته وتساؤلاته.
انقلاب احداث الرواية المفاجىء جعلني أتوقع النهاية نوعًا ما ولكنني تمنيت ان أكون مخطئة ، فالنهاية سخيفة ربما كانت " كروتة ".

إيه اللي المفروض الأدب يقدمه؟ ده سؤال طول الوقت مطروح؛ لكن بالنسبالي مبسألوش كتير لأني بقرأ عشان اتبسط قبل كل حاجة، فلوالرواية خلتني قضيت وقت جميل فهي عملت اللي عليها بنسبة كبيرة.

لكن لما بتقرا الرواية اللي خدت السنادي أهم جايزة عربية بتُمنح للأدب فبيكون عندك توقعات أو سؤال، اللي هو وأنت بتبدأ وريني يا روايةخدتي الجايزة ليه؟

هل الرواية بتحكي حاجة قل الحديث عنها؟

هل بتحكي بلُغة تقول فعلًا ده مش كل مين نَطق عربي يعرف يكتب عربي؟

هل خطوط السرد ملفلفة على بعضها وتوديك وتجيبك وتشيلك وتحطك لحد ما توصلك بالسلامة وكل الخطوط مفكوكة وكل الأزمنة واضحة؟

هل في فلسفة؟ موقف من الحياة؟ أو تأملات توقفك عند حياتك أنت؟

كل الأسئلة اللي فوق دول فيما يتعلق بـ"خبز على طاولة الخال ميلاد" إجابتهم لأ.

ميلاد راجل حائر، اتولد في مجتمع خشن وذكوري وكاره للنساء، و الراجل فيه مبيتبصلوش باحترام غير لو كان جلف خاصة في معاملة أهلبيته من الستات إلى جانب إن اهتماماته تكون حاجات فيها قسوة زي الضرب والخناق وإنك تفتح راس شخصين على الريق مش مشكلةأبدًا، ناهيك طبعًا عن إن لا عيب في ممارسة الراجل أي شيء بينهي الستات عنه.

لكن ميلاد شخص رقيق ومش فاهم ليه لازم يكون كده؟ ليه هم كده؟!

بين ده وده القصة بتنقل ومفروض إننا بنشوف معاناة ميلاد في العيشة وسط المجتمع ده ونظرات أفراد المجتمع ده ليه على اختلاف صلةقرابتهم بميلاد، و من ضمنهم حبيبته ورؤيته هو لذاته.

طيب، ده يرجعنا لأول سؤال، الأدب مفروض يقدم إيه؟ هل مجرد الطرح أو الشجاعة في الطرح وسط مجتمع يرفض اللي أنت بتحاول تطرحهأصلًا يجعل من نَصك نَص رائع يستحق الاحتفاء؟

أظن إن الشجاعة تستحق الاحتفاء ولكن كان هيبقى كفاية احتفاء القايمة الطويلة والقصيرة مش الجايزة كلها 😂

رواية بتطرح شيء مهم وبتناقشه في مساحة طويلة لكنها مبتقدمش في طرحها شيء جديد ولا بتناقش بطريقة مختلفة، حكايات هي أقربلمجموعة بوستات فيسبوك حكاها كل الناس اللي بتعاني من المجتمع ده على بروفايلتهم.

إلى جانب إني في أجزاء كتير آوي كان زاعجني إحساس إن"محمد النعاس" بدأ يكتب عن ميلاد وعن حياته وهو مش خالق بشكل مُسبقالتاريخ الكامل لشخصية ميلاد ولا دارسه صح عشان كده كانت تصرفات ميلاد في مواقف كتير عجيبة بشكل يخلي القارئ يقول بس دهميطلعش من ميلاد.

و طبعًا أ ب خلق شخصية خيالية هو إنك تخليني أصدق إن ده يطلع منها.

أما عن هدفي أنا من قراية الأدب، و هو الانبساط، فأنا-بعيد عن أي شيء- اتبسطت بالقراية ولو رجع الزمن هقراها تاني. هي"مرثية" جيدة عن المجتمعات خليني أقول المنافقة/المدعية/المتعفنة.

ملحوظة هامشية: حبيب جدًا علاقة ميلاد بالعجين والعيش والفرن والطريقة اللي بيلاقي نفسه بيها وسطهم والطريقة اللي بيعامل بيها الأشياء بـ رقة والطريقة اللي"يقلم بها أظافر القُبح" و طول القراية كانت ريحة المخبوزات في مناخيري من لذاذة الوصف ونعومته.

Noran

إيه اللي المفروض الأدب يقدمه؟ ده سؤال طول الوقت مطروح؛ لكن بالنسبالي مبسألوش كتير لأني بقرأ عشان اتبسط قبل كل حاجة، فلوالرواية خلتني قضيت وقت جميل فهي عملت اللي عليها بنسبة كبيرة.

لكن لما بتقرا الرواية اللي خدت السنادي أهم جايزة عربية بتُمنح للأدب فبيكون عندك توقعات أو سؤال، اللي هو وأنت بتبدأ وريني يا روايةخدتي الجايزة ليه؟

هل الرواية بتحكي حاجة قل الحديث عنها؟

هل بتحكي بلُغة تقول فعلًا ده مش كل مين نَطق عربي يعرف يكتب عربي؟

هل خطوط السرد ملفلفة على بعضها وتوديك وتجيبك وتشيلك وتحطك لحد ما توصلك بالسلامة وكل الخطوط مفكوكة وكل الأزمنة واضحة؟

هل في فلسفة؟ موقف من الحياة؟ أو تأملات توقفك عند حياتك أنت؟

كل الأسئلة اللي فوق دول فيما يتعلق بـ"خبز على طاولة الخال ميلاد" إجابتهم لأ.

ميلاد راجل حائر، اتولد في مجتمع خشن وذكوري وكاره للنساء، و الراجل فيه مبيتبصلوش باحترام غير لو كان جلف خاصة في معاملة أهلبيته من الستات إلى جانب إن اهتماماته تكون حاجات فيها قسوة زي الضرب والخناق وإنك تفتح راس شخصين على الريق مش مشكلةأبدًا، ناهيك طبعًا عن إن لا عيب في ممارسة الراجل أي شيء بينهي الستات عنه.

لكن ميلاد شخص رقيق ومش فاهم ليه لازم يكون كده؟ ليه هم كده؟!

بين ده وده القصة بتنقل ومفروض إننا بنشوف معاناة ميلاد في العيشة وسط المجتمع ده ونظرات أفراد المجتمع ده ليه على اختلاف صلةقرابتهم بميلاد، و من ضمنهم حبيبته ورؤيته هو لذاته.

طيب، ده يرجعنا لأول سؤال، الأدب مفروض يقدم إيه؟ هل مجرد الطرح أو الشجاعة في الطرح وسط مجتمع يرفض اللي أنت بتحاول تطرحهأصلًا يجعل من نَصك نَص رائع يستحق الاحتفاء؟

أظن إن الشجاعة تستحق الاحتفاء ولكن كان هيبقى كفاية احتفاء القايمة الطويلة والقصيرة مش الجايزة كلها 😂

رواية بتطرح شيء مهم وبتناقشه في مساحة طويلة لكنها مبتقدمش في طرحها شيء جديد ولا بتناقش بطريقة مختلفة، حكايات هي أقربلمجموعة بوستات فيسبوك حكاها كل الناس اللي بتعاني من المجتمع ده على بروفايلتهم.

إلى جانب إني في أجزاء كتير آوي كان زاعجني إحساس إن"محمد النعاس" بدأ يكتب عن ميلاد وعن حياته وهو مش خالق بشكل مُسبقالتاريخ الكامل لشخصية ميلاد ولا دارسه صح عشان كده كانت تصرفات ميلاد في مواقف كتير عجيبة بشكل يخلي القارئ يقول بس دهميطلعش من ميلاد.

و طبعًا أ ب خلق شخصية خيالية هو إنك تخليني أصدق إن ده يطلع منها.

أما عن هدفي أنا من قراية الأدب، و هو الانبساط، فأنا-بعيد عن أي شيء- اتبسطت بالقراية ولو رجع الزمن هقراها تاني. هي"مرثية" جيدة عن المجتمعات خليني أقول المنافقة/المدعية/المتعفنة.

ملحوظة هامشية: حبيب جدًا علاقة ميلاد بالعجين والعيش والفرن والطريقة اللي بيلاقي نفسه بيها وسطهم والطريقة اللي بيعامل بيها الأشياء بـ رقة والطريقة اللي"يقلم بها أظافر القُبح" و طول القراية كانت ريحة المخبوزات في مناخيري من لذاذة الوصف ونعومته.

Samaa alaa eldin

Horrible horrible ending and I hate ميلاد and everything about how this book ended and how it went down hill for absolutely no reason. 
مش مبسوطه لا 😂

Ussmaa muhammed

كتاب جميل اوي، بيحكي عن نظرة المجتمع للمرأة و الصفات الذكورية اللي لازم ولابد تكون في الراجل، بس عندي كلام كتير عن شخصية ميلاد

Kholoud Ayman

رواية عن المجتمع الذكوري ولكن من زاوية مغايرة.

بطل الرواية ميلاد شاب لا أريد قول حساس ولكنه أقرب ل "إنساني" "طبيعي" لكن المجتمع يصمه ويعده ناقص الرجولة لانه لا يريد خوض العراكات العنيفة والسب، لا يحاول فرض سيطرته على النساء التي في حياته، لا يضربهن من باب تسلية الوقت كما ورد على لسان شخصية ما بالرواية، يهتم للأمور المنزلية التي كتبها المجتمع باسم المرأة، يبكي ويهتم بمشاعر الآخرين.

رواية جميلة واقعية تخليك تحط نفسك مكان ميلاد وكل الضغوطات المجتمعية عليه أنه يكون جاف قاسي جلاد عربيد عشان يكون راجل.
ماعدا النهاية مش واقعية ولا تشبه لشخصية ميلاد.

‏خبز على طاولة الخال ميلاد :‏ ‏رواية /‏