Name: جامع الأحلام الأرجوانية
ISBN: 9781773228969

Zoran Živković

جامع الأحلام الأرجوانية

Omnya Ahmed

Hagar

** spoiler alert **
           الأرجواني :من جوجل عرفت ان دا معني اللون : يجمع اللون البنفسجي بين هدوء اللون الأزرق والطاقة التي يمثّلها اللون الأحمر، فهو مزيج منهما، ويعتبر اللون البنفسجي لوناً مريحاً وأنيقاً وجميلاً للغاية، ويدلّ على النبل ويرمز للفخامة والقوة والشغف الكبير، كما أن له دلالات على الثروة، بالإضافة إلى أنه يمثل الحكمة والتفاني والوقار والاحترام.

( يعني لو الكاتب يقصد اختياره لهدف او معني فمعناه يحمل صفات كتيره تمثل البشر و حياتهم. تقريبا اكتر لون جامع للنفس البشريه شوفته)

الفكرة: جميلة.
اول ما اتعرضت قولت اه طبعا هتخلي عن الماضي. بس مع التفكير قولت لا طبعا. الانسان ما هو إلا ماضيه. لما بتفكري في نفسك بتفكري فيها ازاي ( ع اساس احداث) و الاحداث دي دايما بتحصل ف الماضي
لو انتي عطوفه ف انتي عطوفة عشان اظهرتي الصفة دي ف الموقف الفلاني او لو ناجحة ف عشان حققتي كذا، كله ف الماضي. تخيلي يضيع منك ! هتختفي فعلا.

*جامع الأظافر*
دا بالنسبالي شخص مريض نفسي.
شعرت بالاشمئزاز جدا مش عارفة ليه زي انك تقتل حد و تحتفظ بحته من جسمه كدا

* جامع التواقيع *

طول ما انا بقرأ القصة بضحك متخيلة الشخص اللي بيقرأ الجورنال بيقول يادي الليلة السودا. و في اخر سطر لما قاله هيقع عليك حاجة ظهر في دماغي محمد سعد و هو بيقول ايه دا!
غريب. ليه تعطي شخص توقيعك ع ورقه من غير ما تسأل . مش خايف يمضيك ع وصل امانة علي بياض حتي

*جامع الصور *
*جامع الأحلام *
حسيت بالملل شوية لكن تنوع الاشياء اللي بيتم جمعها غطي عليه.

*جامع الكلمات*

هنا اول مرة و عيي اضاء اللمبة الحمرا وقالي اللي بتجمعه بيختفي. كأنك بتحط نفسك في مكان ما تاني لحد ما تبقي فارغ.
وكان الأشخاص اللي بيجمعو من أشخاص تانيين منطقيين بالنسبالي عن اللي بيجمع حاجة بنفسه. اللي بيجمع بنفسه مش قادرة أشوفه غير هوس مرضي

*جامع القصص*

شعرت انه اسقاط ع قرارات الانسان ف الحياه.

*جامع القصاصات*
ذات الأمر انه هوس مرضي.

*جامع الوفيات*
كنت لأختار الموت. إلي الأبد! مقدرش اتحمل تكرار نفس اليوم مهما كان سعيد لأنه بعد تاني او تالت مره هيبقي عادي. تكراره للأبد- وقد لا يستطيع عقلي تخيل ما هي الأبدية-

*جامع البريد الإلكتروني*

هنا حسيت ان لو حد قاله ان دي اعلانات مش رسايل مكنش هيبقي فيه قصة

*جامع الآمال*
اعتقد الكاتب جايب شوية مجانين مش بيفكرو ٥ ثوان! او انه قاصد يوضح اد ايه الانسان بيدفع اي حاجة بدون تفكير بسبب غريزة البقاء.
فيه ناس كتير كانو في مواقف اصعب منهم. اللي خلاهم عايشين تمسكهم بالأشياء اللي الاشخاص في الرواية دي تخلو عنها في اعتقاد ان دا سبيل لحياة افضل.

*جامع المجاميع*

العنوان ضحكني من قبل ما أقرأ لاني تخيلت ان كل اللي فات كان عبث.
الالتفات اللي عمله الكاتب لنفسه جوا الحكايه لما قال نظرا لاني الراوي العالم بكل شئ عجبني ( فكرني بمسلسب the office لما كان الcamera crew جزء من المسلسل )

نهاية القصة انا كان وشي علامة استفهام. ايه القنينة الاخيرة للي دخل بيها ! هل ممكن تكون قنينة جامع المجاميع فهي جمعت كل دا. ولو كدا ليه مختفوش من ع الارفف
هل جواها شئ اهم من كل دا. ( من الامل ،من الايام ،من الموت ؟)
او ممكن يكون خاف يختفي زي سابقيه ف قرر يطلق سراح نفسه.

Mohamed gamal

Fadi

بسم الله، أول كتاب في ٢٠٢٠ 

بداية لطيفة جداً مع قصص قصيرة غرائبية ذكية ومحبوكة ومضحكة
أسلوب زوران مميز، منذ روايته ( المكتبة) أحببت أسلوبه
وفي هذا العمل لم يخيب الظن.
ملاحظة هامشية؛ هناك أكثر من ٥٠ خطأ إملائياً ( همزات ناقصة، وياءات مصرية) 
ليه كده بس يا محرر؟ 😢

جامع الأحلام الأرجوانية

Reviews