Name: المؤلفات المختارة، الجزء الثالث
ISBN: 9782843062261

Ivan Turgenev

المؤلفات المختارة، الجزء الثالث

saraabdalnaby

رواية " آباء وبنون" لـ إيفان تورجينيف 

الشتاء ميبقاش شتا بدون الأدب الروسي، الرواية دي recommendation من كتاب "صورة المثقف " لـ د ادوارد، واستخدمها علشان يستدل بها على أحد جوانب شخصية المثقف في المجتمع، والحقيقة فضولي قتلني علشان أقرأ الرواية .

الرواية بتتكلم عن طبيب الأرياف "بازوروف "، شخصية مثقفة و" نهلستي" واللي وضحلنا الكاتب فيما بعد أنه مقصود فيها رافض لكل شيء 
بتنتقل الرواية من بيت لبيت في روسيا في القرن ال ١٩ مع تنقلات بازوروف لبيوت أصحابه، طول الوقت بنشوف آراء بازوروف الغريبة وآراء المحيطين فيه هو وآراؤه، سواء من خلال مواقف أو من خلال نقاشات حادة بين شخصيات الرواية.
بازوروف هو صورة من صور المثقف الراغب في التغيير وبالتالي رافض لكل ماهو متأصل في المجتمع، رفض بازوروف لكل حاجة، زي المشاعر والرومانسية والعادات والتقاليد، كان مزعج لباقي الشخصيات احيانا، حتى أنه كان مزعج ليا في اوقات، بس اعتقد هي دي البوينت، في الغالب الشخص المثقف بيكون مزعج، رافض، وده ينطبق على شخصيات اعرفها فعلا مثقفين وفعلا بيسعوا لتغيير أفكار كتير
يمكن من الحاجات الغريبة أن إيفان محددش شعوره تجاه بازوروف، بطل روايته، كان سايبنا نشوفه من عيون شخصياته، وسايبنا نحكم عليه من نقاشاته، ودي حاجة موترة شوية 🤏، تخيل انت مش عارف تحكم على بطل الرواية، مش عارف اصلا إذا كان الكاتب حبه ولا كرهه 

الرواية حلوة وتستحق القراءة

المؤلفات المختارة، الجزء الثالث

Reviews